സുധീര്‍ നീരേറ്റുപുറം
നരേന്ദ്ര മോഡിയും മറ്റ് നിരവധി ബിജെപി നേതാക്കന്മാരും കഴിഞ്ഞ അനേകം വര്‍ഷങ്ങളായി ഭരണം നടത്തുന്ന ഗുജറാത്ത്, മദ്ധ്യപ്രദേശ്, ഛത്തിസ്ഗഢ്, ഗോവ, രാജസ്ഥാന്‍ തുടങ്ങിയ സംസ്ഥാനങ്ങളിലൊന്നും ജനാധിപത്യം തകര്‍ന്നതായോ, ഏകാധിപത്യം ഉണ്ടായതായോ, സംസ്ഥാനത്തിന് അപകടം സംഭവിച്ചതായോ അറിവില്ല. സ്വന്തം മനസ്സ് വിഷം നിറച്ചുവെച്ച് മലിനമാക്കിയവര്‍ അത് മറ്റുളളവരുടെ തലയില്‍ കെട്ടിവച്ച് മഹാത്മാക്കളാകാന്‍ ശ്രമിക്കുന്നവര്‍ എത്ര വലിയവരായാലും അവരെ സംസ്‌കാരഹീനരായേ ജനം കാണുകയുളളൂ. 'മഹാസാഹിത്യകാരന്മാരായ' ഈ മൂര്‍ത്തി-കര്‍ണാഡുമാരുടെ വാക്കുകള്‍ക്ക് പുല്ലുവിലയായിരിക്കും ഉണ്ടാവുക.
ബിജെപിയെ പഴിക്കുന്നവരില്‍ ഒരാളായ ഗിരീഷ് കര്‍ണാഡ് ബാംഗ്ലൂര്‍
സൗത്തിലെ കോണ്‍ഗ്രസ് സ്ഥാനാര്‍ഥിയായ നന്ദന്‍ നിലേക്കനിക്കുവേണ്ടി പ്രചാരണത്തിനിറങ്ങിയത്രെ....!!! ആധാറിന്റെ പേരില്‍ കേന്ദ്ര ഖജനാവില്‍ നിന്നും 3500 കോടി രൂപ മുടിക്കുകയും, ഇന്ത്യാക്കാരുടെ ജനതിക വിവരങ്ങള്‍ പോലും വിദേശികള്‍ക്ക് നല്‍കാന്‍ ഒത്താശ ചെയ്യുകയും ചെയ്ത 7700 കോടി രൂപയുടെ അധിപനായ കുത്തകമുതലാളിയായ കോണ്‍ഗ്രസ് സ്ഥാനാര്‍ത്ഥി നന്ദന്‍ നിലേക്കനിക്കുവേണ്ടി യാതൊരു ഉളുപ്പുമില്ലാതെ പ്രചരണം നടത്തുന്ന ഈ സാഹിത്യനായകന്മാരുടെ (?) വാക്കുകള്‍ക്ക് വേശ്യയുടെ ചാരിത്ര്യ പ്രസംഗത്തിന്റെ മൂല്യം പോലും ആരും നല്‍കുകയില്ല. ഈ ഇടതുപക്ഷ സഹയാത്രികരുടെ ഭാരതവിരുദ്ധ മനോഭാവവും അഴിമതിക്കാരോടും വന്‍കിട കോര്‍പ്പറേറ്റുകളോടുമുളള സ്‌നേഹവും കൂറും മനസ്സിലാക്കാനുളള ത്രാണി ഇന്നാട്ടിലെ പാവപ്പെട്ട ജനകോടികള്‍ക്കുണ്ട്. ദരിദ്രരുടെ പേരില്‍ അധരവ്യായാമം നടത്തുകയും അതിസമ്പന്നര്‍ക്കുവേണ്ടി പാദസേവ ചെയ്യുകയും ചെയ്യുന്ന ഇവരുടെ സ്ഥാനം ചവറ്റുകൊട്ടയിലായിരിക്കും.
ഒരു അഭിപ്രായം പോസ്റ്റ് ചെയ്യൂ